Srinivasan R

118 நிமிடங்கள் ஓடும் இந்தப் படத்தை லியா மெக்கெண்ட்ரிக் இயக்கியிருக்கிறார். தங்கையின் போன் நம்பருக்கு வாய்ஸ் மெயிலில் பேசும்போதும், காதலன் வெஸ்ஸின் (நிக் ராபின்சன்) அன்புக்கு ஏங்கும்போதும் நடிப்பில் வெரைட்டி காட்டியிருக்கிறார் ஜோயி டாய்ச். ஆனால், ஒருகட்டத்தில் மையக்கதையிலிருந்து திரைக்கதை விலகி அந்தரத்தில் தொங்குகிறது. ஐபோனில் வாய்ஸ்மெயில் அனுப்பும் ஜில், அந்த நம்பர் வேறு ஒருவரிடம் இருப்பதுகூடத் தெரியாமல் தன் அந்தரங்கங்களைப் பகிர்வது என்ன லாஜிக்… வீக் எண்டில், ரொமான்ஸ் தேவைப்படுபவர்கள் ஜில்’லுக்கு ஒரு தடவை மட்டும் வாய்ஸ்மெயில்’ அனுப்பலாம்.

போயிடு ஸ்டீவன்ஸாக ஹெரால்டு பெரினோ (Harold Perrineau) தனது உடல் மற்றும் மனரீதியான சோர்வையும், அதிகாரத்தை இழக்கும் வலியையும் மிகச் சிறப்பாக வெளிப்படுத்தியிருக்கிறார். புதிய நடிகர்களின் வருகையும், தபிதா, ஜேட் பாத்திரங்களின் அர்ப்பணிப்பான நடிப்பும் தொடருக்குப் பெரும் பலமாக அமைந்திருக்கின்றன. முந்தைய சீசன்களைவிட பயத்தையும் உளவியல்ரீதியான அழுத்தத்தையும் இந்த சீசன் பலமடங்கு அதிகரித்திருக்கிறது. அதோடு மனித மனங்களின் வீழ்ச்சியையும், நீண்டகாலமாகக் கேட்கப்பட்ட சில முக்கிய கேள்விகளுக்கான விடைகளையும் தெளிவாகவும் ஆழமாகவும் பதிவுசெய்திருக்கின்றனர். இதுவரை கேள்விகளை மட்டுமே அடுக்கிவந்த திரைக்கதை, முதன்முதலாக பதில்களை அளிக்கத் தொடங்கியிருப்பது நிச்சயம் நல்லதொரு அனுபவமே. கதாபாத்திரங்களின் மனப்போராட்டம், மர்மமான நகரத்தின் பின்னணிக் கதைகள் ஆகியவை திரைக்கதையின் சுவாரஸ்யத்தைக் கூட்டி, பார்வையாளர்களை ஈர்க்கின்றன.

ஸ்வர்ணாவை (சமந்தா) காதல் திருமணம் செய்ததால், அனிருத் (திகந்த்) தன் குடும்பத்திடமிருந்து பிரிந்திருக்க வேண்டிய நிலை. மீண்டும் அதில் இணைய ஒரு வாய்ப்பு கிட்ட, அந்தப் பெரிய கூட்டுக் குடும்பத்தின் முழுமையான அன்பைப் பெற்று, அந்த வீட்டின் ‘எங்கள் தங்கமாக’ (மா இண்டி பங்காரம்) ஜொலிப்பதை லட்சியமாக ஏற்கிறார் மருமகள் ஸ்வர்ணா. ஆனால் ஸ்வர்ணாவின் இந்த அமைதியான வாழ்க்கைக்குப் பின்னால், ரத்தச் சிவப்பான, வன்முறை நிறைந்த ஒரு இருண்ட முன்கதை இருக்கிறது. பல வருடங்களாக மறைத்து வைக்கப்பட்டிருந்த அந்த ரகசியம், எதிர்பாராத விதமாகக் கொடூரமான வில்லன் கருணாவால் (குல்ஷன் தேவைய்யா) வெளிச்சத்திற்கு வருகிறது. தனது அன்பான குடும்பத்திற்கு வரும் ஆபத்தை ஸ்வர்ணா ஆக்ஷன் மோடில் எப்படிக் கையாண்டார் என்பதே ‘மா இண்டி பங்காரம்’ (தமிழில் ‘எங்கள் தங்கம்’).

சயின்ஸ் பிக்ஷன் - ஏலியன்ஸ் காம்போவில் ஸ்டீவன் ஸ்பீல்பெர்க் படம் என்றாலே அதற்கு எனத் தனி ரசிகர் பட்டாளம் உண்டு. ஏலியன்கள் குறித்து அவர் எடுத்த ‘Close Encounters of the Third Kind’, ‘E.T. (Extra Terrestrial), ‘War of the Worlds’ என அனைத்துமே இன்றுவரை கிளாசிக்காகக் கொண்டாடப்படுகின்றன. அப்படிப்பட்ட தன் ஃபேவரைட் ஜானருக்குள் மீண்டும் நுழைந்திருக்கிறார் ஸ்பீல்பெர்க்! உலகமே மூன்றாம் உலகப்போர் குறித்த அச்சத்திலிருக்க, ‘வார்டெக்ஸ்’ (Wartex) என்ற நிறுவனத்தின் ரகசிய, பாதுகாக்கப்பட்ட கோப்புகளையும், ஒரு மர்மமான கருவியையும் திருடிவிடுகிறார் அந்நிறுவனத்தின் சைபர் செக்யூரிட்டியில் பணியாற்றும் டேனியல் கெல்னர் (ஜாஷ் ஓ’கானர்). அவரை அந்நிறுவனத்தின் சிஇஓ (காலின் ஃபிர்த்), தன் படைகளுடன் துரத்த, தன் காதலியுடன் தப்பி ஓடுகிறார் கெல்னர்.

பல்வேறு அரசுப் பணிகளுக்கு முயன்ற பிறகு வேறு வழியில்லாமல் காவல்துறைக்கு வருகிறார் கோட்டை கருப்பசாமி (பிரசாந்த் பாண்டிராஜ்). காவல் நிலையத்தின் பரபரப்பான சூழல், அங்கிருக்கும் நடைமுறைகள் அவருக்குப் புதிதாக இருப்பதால், அதற்கேற்ப தன்னைத் தகவமைத்துக்கொள்வதிலும் அவருக்குச் சிக்கல் ஏற்படுகிறது. ஒரு தருணத்தில் பிடிபட்ட ஒரு திருடன், அவரைத் தாக்கிவிட்டுத் தப்பித்துவிடுகிறான். அதனால் பிரச்னைகளுடன் சேர்த்து கேலிகளையும் சந்திக்கிறார். அதன் பிறகு பழைய வழக்கு கோப்புகள் அவரிடம் ஒப்படைக்கப்பட்டு வாரண்ட்' டூட்டி போடப்படுகிறது. அந்த வழக்குகளில் சம்பந்தப்பட்டவர்களை அவர் கண்டுபிடித்தாரா, காவல் நிலையத்தில் கேலி செய்தவர்கள் முன்பு தன்னை நிரூபித்தாரா என்பதை எட்டு எபிசோடுகளில் சொல்கிறது இந்த `ஜீ5’ சீரீஸ்.

எகிப்தின் கைரோவில் டிவி நிருபராக பணியாற்றுகிறார் சார்லி கேனன் (ஜேக் ரெய்னோர்). மனைவி லரிசா (லையா கோஸ்டா), மகள் மற்றும் மகனுடன் வாழ்ந்து வருகிறார். இதனிடையே ஒருநாள் வீட்டுத் தோட்டத்தில் விளையாடிக்கொண்டிருந்த மகள் கேட்டி காணாமல் போகிறாள். எங்குத் தேடியும் கிடைக்காத நிலையில், சார்லியின் குடும்பம் மெக்ஸிக்கோவுக்கு மாற்றலாகிறது. எட்டு வருடங்களுக்குப் பிறகு கேட்டி கிடைத்துவிட்டாள் என்ற செய்தி எகிப்திலிருந்து வருகிறது. ஆனால் இப்போதிருக்கும் கேட்டி சுயநினைவின்றி மனநலச் சிக்கலோடு இருக்கிறாள். உண்மையில் கேட்டிக்கு என்ன நடந்தது, அவளால் வரும் ஆபத்துகள் என்ன என்பதை ஹாரர் விருந்தாக முன்வைக்கிறது படம்.

உயரிய கல்வி நிறுவனம் ஒன்றில் பொறியியல் படிக்கும் ஷிவாங்கும் மோல்யும் நண்பர்களாக இருக்கின்றனர். கல்லூரியின் நாடகக்குழுவின் தலைமைப் பொறுப்பில் இருக்கும் மோல், சமூக விழிப்புணர்வு சார்ந்த பல நாடகங்களை அரங்கேற்றிப் பரிசுகளை அள்ளுகிறார். இவர்கள் படிக்கும் கல்லூரியில் இருக்கும் உணவகத்தில் பணிபுரியும் ஒருவரை, அவருடைய முதலாளி கடுஞ்சொற்களால் திட்டுகிறார். இதனால் கோபமடையும் ஷிவாங்கும் மோல்யும், அவருக்கு உதவி செய்யத் திருட்டு வேலையில் ஈடுபடுகிறார்கள். இதைக் கண்டுபிடிக்கும் கல்லூரி நிர்வாகம், அவர்களைக் கல்லூரியிலிருந்து வெளியேற்றக் கடிதம் அனுப்புகிறது. ஆனால் கல்லூரியின் இயக்குநர், “குடிசைப்பகுதியில் வாழும் ஐந்து குழந்தைகளைப் பள்ளியில் சேர்த்தால், மீண்டும் கல்லூரிக்குள் சேர்ப்போம்” என நிபந்தனை விதிக்கிறார். அதன் பிறகு இந்த மாணவர்கள் என்ன செய்கிறார்கள், மீண்டும் கல்லூரியில் இவர்கள் சேர்க்கப்பட்டார்களா, இவர்கள் கற்பிக்கும் பாடம் என்ன என்பதுதான் இயக்குநர் தன்மயா சேகர் இயக்கியிருக்கும் இந்த நெட்ஃபிளிக்ஸ் சினிமாவின் கதை.

“வெளியில் நடப்பதைப் பார்க்க ஜன்னல் அமைத்தான். ஆனால், இன்று அந்த ஜன்னல் வழியே அவனே கண்காணிக்கப் படுகிறான்’’ என்ற அர்த்தம் தொனிக்கும் வகையில் ஒலிக்கிறது ‘பேட்ரியாட்’ படத்தின் ‘மனுஷ்யன்’ பாடல். கிட்டத்தட்டப் படத்தின் சாரமும் இதுதான். நாட்டு மக்களைப் பாதுகாக்க வேண்டிய அரசே, அதை நிர்வகிக்கும் அரசியல்வாதிகளே, மக்களை வேவு பார்க்கும் ஆபத்தை எடுத்துரைக்கிறது இந்த மலையாளப் படம். மத்திய அமைச்சர் ஜே.பி.சுந்தரத்தின் (ராஜீவ் மேனன்) மகன் சக்தி சுந்தரம் (பகத் பாசில்), தன் `சக்தி’ மென்பொருள் நிறுவனத்தின் மூலம் ஒருவருடைய போன், லேப்டாப்பில் நுழைந்து அவர்களை உளவு பார்க்கும் ‘பெரிஸ்கோப்’ என்ற ஸ்பைவேரைக் கண்டுபிடிக்கிறார். சட்டத்துக்குப் புறம்பான அதை அதிக அளவில் பயன்படுத்த, சக்தி நிறுவனத்துடன் புரிந்துணர்வு ஒப்பந்தம் போடுகிறது மத்திய அரசு. இந்த ஸ்பைவேரின் அடுத்தகட்டமாக மக்களுக்கு ‘சோஷியல் ஸ்கோர்’ என்ற ரேங்கிங்கையும் கொண்டுவரத் திட்டமிடுகிறார்கள். இதைத் தடுக்க முயலும் மத்திய அமைச்சர் நளினியும் (ரேவதி), சக்தி சாஃப்ட்வேர் நிறுவன ஊழியர் ஜோதியும் (தர்ஷனா) சந்தேகத்துக்கிடமான முறையில் உயிரிழக்க, பிரச்னையைக் கையிலெடுக்கிறார் இந்தியப் பாதுகாப்புத்துறையில் அதிகாரியாக இருக்கும் டேனியல் ஜேம்ஸ் (மம்மூட்டி). ஆனால், அவர் மீதே தேசத்துரோகக் குற்றம் சுமத்தப்பட, வெளிநாட்டுக்குத் தப்பியோடவேண்டிய சூழல். சாமானியர்களைக்கூடக் காவு வாங்கும் இந்த ஸ்பைவேரையும், அமைச்சர் ஜே.பி.சுந்தரத்தையும், சக்தி சுந்தரத்தையும் டேனியல் எப்படி வீழ்த்தினார் என்பதே ‘பேட்ரியாட்.’